 ... više ...
Nedavno je va Vatrogasnen dome pu Sroki je održana
promocija Ljetopisa Općine Viškovo 5. broj va izdanju Matice
Hrvatske Viškovo i va istemu duhu, storena je i izložba fotografij autora Srđana
Brnčića. Sliki našeh starini; stari skadnji, kuće, šterne jako
su nas se dojmile pak smo odlučili š njin malo i poćakulat i videt koliko on
drži do starini ke zabilježi z fotoaparaton zavavek.
 ... više ...
Ja živejen svoj san!
Si smo čuli za Koktelsi, naslišamo njihu muziku, tancamo i uživamo na
njiheh nastupeh puneh mladenačke energije. A kako su Koktelsi zapravo
nastali, odlučili smo zipitat Maura Staraja ki je od mićega sopal I
težil h temu da ima svoj bend, piše svoje pjesme ke će judi znat
napamet, , ima kup gitari i instrumenti, da ga malice na ceste
prepoznaju… Va 2. razrede osnovne školi on je znal ča oteje va živote
bit, pak je skupjal seh ki su znali neš sost…
 ... više ...
Ernie Gigante Dešković rojeni je Opatijac od 28 let. Piše od svojga trinajstega leta, a z dvajset i dve je objavil prvu knjigu. Od onda objavjuje romani, eseji, kratke priče i članki va Hrvatskoj i inozemstve.
Romani, osin va Hrvarskoj objavjuje i va Italije i Švicarskoj. Članci va: „Regional“e, „Val“e itd. Priče i eseji va: „Schreiber“e, na forumeh va USA-e, Kanade, a va Hrvatskoj va zbirkami festivali fantastične književnosti, Sferakona, Istrakona, itd.
Radovi su mu prevedeni na nekoliko evropskeh zajiki, a dobitnik je više literarneh priznanji. Školoval se je na više mesti a na Filozofsken fakultete v Reke finil studij kulturologije i sada gre za magistra struke. Član je brojneh kulturneh, političkeh i društveneh organizacij: Istarskega demokratskega sabora, Istarske akademije znanosti i kulture, Zajednice Talijani, Centra za ravnopravnost spolova va politike, Književnega kruga, Ekološkega udruženja i ono ča je najzanimljiveje; Međunarodne udruge nadprosječno inteligentneh MENSA-e i Hrvatskega književnega društva „OSVIT“ va ken ima ulogu dopredsjednika pak i urejuje knjigi.
Uz se to je i IDS-ov gradski vjećnik Grada Opatije.
Osin pisanja voli sost gitaru, slikat – stvarat neki boji svet.
 ... više ...
Trefili smo se i poćakulali z jenun veselun kumpanijun, ka
uživa va živote. Njih pet; Darko Ujčić, Dario Glušić, Mirko Šuša, Goran
Brozović i Marjan Nikolajev pravi su prijatelji ki se redovito druže i bave z
onen ča jih zanima. Saki je od njih sportski tip pak planinare, voze bičikletu,
kupaju se… A ono ča je najzanimljiveje pu njih i radi čega su i dobili nadimak
Opatijski kukali je to da se kupaju tjekon cele zime, pak su zato i zdravi i
osjećaju se kot pravi mladići!
 ... više ...
Vrime je Antonje, vrime od maškar kada se ponemeje. Za tu prigodu smo se našli va jenoj staroj konobe va Pohumu urejenoj kot pravi mići muzej i tu poćakulali z dva kujina. ROBERT ŽEŽELIĆ i ANĐELO GRLAŠ dva su šesna dondolaša ki štimaju svoji običaji, stare užance i svoj kraj. Povedeli su nan ki su dondolaši nekada bili i kako danaska zgjeda jedan pravi dondolaš.
A Robi i Anđelo osin ča za maškare pronajdu svoje „ja“, kreativni su i nadareni; Anđelo sope gitaru i trumbetu, piše i uglazbljuje stihi, a Robi piše i dela kot trener tae-kwon-do va Tae-kwon-do klubu „Grobnik“.
 ... više ...
Poćakulali smo z gđun Senkun Laginja, pjesnikinjun čigovi se teksti uglazbljuju, a do sada su imeli već puno uspjesi.Najveć njijeh pjesam kanta Ivana Marčelja, a pjesmi su bile i na MIK-e i Čansonfeste , Grobničkoj Skale, pa i Dečjen pusnen festivale na Page.
Gđa Senka uroni va svoju dušu i se hiti na hartu va 3 minute.
Ponosna je mama, aš i njija deca pišu…
Zoven se Senka Laginja, rojena san davnega 1966. leta.
Od mićeh nog san volela pisat. Najveća ljubav u životu mi je pisanje i to isključivo pjesam, ljubavne poezije. Prvu pjesmu san napisala od nekeh 13 let. Onda počnu te prve ljubavi; simpatije, razočaranja, pa san tad i napisala prvi stihi. Kad se se nakupi va duše, zame se harta i se se isprazni i stavi na hartu.
 ... više ...
Odlučili smo se poćakulat z onemi keh saki dan poslušamo. Po jutro vas morda budi radio-budilica pak prvo ča čujete dok prihajate na se, su njihovi glasi. Po dane, dok kuhate obed, al ste va butige, va kurijere al aute dok se vozite na delo, I na dele I opeta istin puten nazada, do vas prihaja zvuk radija. Sigurno pratite radio emisije kot ča su Tužibaba I Glista, pak kada god I vi nazovete I povedete ku besedu va eter I poćakulate z dva najslušanija glasa va našoj županije, glas Roberta Ferlina I Josipa Krmpotoća. Za vas smo odlučili poćakulat š njimi, da oni sami povedu kako se osjećaju delajuć dok mi njih poslušamo, I kako su u opće postepeno do ovega dela prišli.
 ... više ...
Poćakulali smo z mladen muzikanton MARINOTON PELOZA z Podhuma. Svoj muzički izričaj započel je z harmonikun va KUD "Zvir"-Jelenje. Za armuniku reče da mu je prva i najveća jubav. Bil je i član folklora. Kašneje se j' sam navadil sost klavijaturi i bas gitaru keh je i sopal va grupe "Nero". Pred tri leta, bivši član klape "Grobnik" ga je pozval na provu, on je došal i ... ostal. Danas ga judi na ceste fermevaju i išću autogrami aš se j' posebno istaknul kantajuć solo va poznatoj pjesmi "Palenta kompirica".
Povedel nan je da j' se ča dela va živote vezano uz muziku, pak poručuje neka se saki najde va onomu ča je, va onomu va čen je najboji, ča voli i samo neka to tira naprvo...
 ... više ...
Poćakulali smo z jenun mladun ambicioznun divojkun, NIKOLINUN MARČELJA . Ona voli delo z judi, pak va ugostiteljstve dela z jubavi .Studentica je Fakulteta za turistički i hotelski menadžment ča njoj otpira vrata da i daje dela ono ča voli, samo jedan koračić naprvo - da bude voditelj restorana. Osin tega, ona je svestrana i talentirana, pak piše, kanta i sope, a na pute je i njija zbirka pjesam...
|
